Voddu creda

Voddu creda in a ghjuvintù
U so impegnu più ch’è mai,
Da rinnuvà incù virtù
Quissu mondu ch’hè soiu ormai

Voddu creda in a spartera
A mani chì ùn si dumanda,
È a dulcezza sincera
Di un basgiu chì si manda.

Ùn so cridanzi scemi
Quiddi chì t’aghju in cori,
Chì solu m’impremi
Ugni dulci ghjuvori,
Ponu crescia insemi
Ancu sfarenti fiori
Appaghjendu i stremi
Incù fedi è amori.

Voddu creda in l’appaciata
Trà i populi tutti quanti,
Una pianetta sbarazzata
Da a guerra è i so spanti.

Voddu creda in u populu corsu
Un avvena senza rimorsu,
Da ritruvà u ghjustu versu
Chì par tutti quì pari persu.

Ùn so cridanzi scemi
Quiddi chì t’aghju in cori,
Chì solu m’impremi
Ugni dulci ghjuvori,
Ponu crescia insemi
Ancu sfarenti fiori
Appaghjendu i stremi
Incù fedi è amori.