Versu novu

Nò chì stu locu ùn hè chjucu
Chì ghjè quellu di u core
Hè u locu di l’amore – tenutu

Nò chì sta vita ùn hè stretta
S’ella hè quella pellegrina
A strada di a matina – diletta

Cantemu lu versu novu, cantemu lu benestà
Cù l’amore di travaglià ritrovu
Cantemu un verde veranu, un avvene à suminà
Chì dumane leverà u granu

Nò chì stu tempu ùn hè scarsu
S’ellu hè quellu di l’accordu
Cù lu so vechju ricordu – spapersu

Nò chì l’avvene ùn hè cottu
Un’alba nova si pesa
In tutti ci surteremu – da u ciottu

Cantemu lu versu novu, cantemu lu benestà
Cù l’amore di travaglià ritrovu
Cantemu un verde veranu, un avvene à suminà
Chì dumane leverà u granu

Nò chì sta lingua ùn hè persa
Chì s’ella ne fù sbandita
Avà dicerà la vita – diversa

Nò chì st’isula ùn hè morta
Compiu u tempu di notte ceca
Beatu quellu ch’arreca – è porta

Cantemu lu versu novu, cantemu lu benestà
Cù l’amore di travaglià ritrovu
Cantemu un verde veranu, un avvene à suminà
Chì dumane leverà u granu

Cantemu lu versu novu, cantemu lu benestà
Cù l’amore di travaglià ritrovu
Cantemu un verde veranu, un avvene à suminà
Chì dumane leverà u granu

G. Fusina / Y. Casanova