Un isula cusì

Un’isula cusì
E cime incurunate di faldittone bianche
U sole à stampa basgi d’amore in le calanche
U mare à i so pedi turchini eternamente
Un’isula cusì cum’è un tenela à mente

Un’isula cusì hè Corsica a bella
Incanta à chì a vede puru una volta sola
Chì parte è a si lascia mai un si ne cunsola
Un’isula cusì hè Corsica ùn hè fola

Un’isula cusì
Quandu chì forza tesse a so tela di ragnu
Quandu chì preputenza voga in Mediterraniu
Incastella e so case à paesi in muntagna
Un’isula cusì sguardi è voli d’attagna

Un’isula cusì hè Corsica ribella
Un vole scrive fine nantu à u so librone
Ammansa e si bruste è po pesa un tizzone
Un’isula cusì hè Corsica passione

G.T. Rocchi \ F. Travaglini