U sognu viaghju

In u celu sopra a l’alburoni c’hè una striscia bianca chi và
Per i zitelli u ventu cumpone tutti i sogni di l’umanità
Mi basteria à me poche cose una navicella per vultà
Per e cunfine e terre ascose abraccendu sta diversità.

Per l’America à collu tortu
E a Spagna chi luce di notte…

Ci sò tanti deserti sfruttati e so cariole stanu qui
E d’altri animali sò vultati cù stu vole c’acceca custi
D’altri in una cità chi bolle d’Africa, Australia quallà
U sognu viaghju mi cunsola mi trica sempre di spaisà.

Per l’America à collu tortu
E a Spagna chi luce di notte…

Nantù à e fiure lochi beati un sole s’hè ciuttatu dinù
Nantu a carta fine allbrata carezzi sempre un sognu in più
E piglieremu l’altru caminu c’hè sempre un antra vita à ghjucà
Per francà stu lucucciu marinu ci tuccherà sempre a navicà.

Per l’America à collu tortu
E a Spagna chi luce di notte…

Giramondu.