U mare di China

Eranu una bella squadra
E tuttu era in cumunu
Ma spessu venia a ladra
A sera ne mancava unu.

E a luna chi splendia
Sopra u mare di china.

Pienghjamu acciucciulati
Mezu a e rise è le cantate
Eppò li pienti siccati
Muria ogni lindumane.

E a luna chi splendia
Sopra u mare di china.

E paghjelle in li caffè
Quandu sparia lu sole
Induve noi u piace
Venia carcu di fole.

E a luna chi splendia
Sopra u mare di china.

T’arricordi a notte nuvella
Imbriachine quasi a more
E quelle donne a brusgia pella
E quelle donne a brusgia core.

E a luna chi splendia
Sopra u mare di china.

Esciamu a ghjornu chjaru
Imbalsamati di vapori
Tuttu ci paria raru
E cambiavanu li culori.

Ma lu sole ci fraiava
Cum’è palle infiarate.
Ma lu sole ci fraiava
Cum’è palle infiarate.

Patriziu Croce \ Ghjuvan’Michele Armani
Chjami Aghjalesi.