1

U celu

À u celu chì pesa l’ore
À u sole ch’ellu ci manda
À sta vita chì vene avà
Ellu pianu s’arricumanda

Ma la sera quand’ellu hè
Stancu sì di a sarabanda
Face un sognu è da per sè
A speranza ellu a dumanda

Credici tù ci crede ellu
A l’amore quand’ellu c’hè
Quessu hè l’avvene u più bellu
Per ellu, per tutti è per tè

A so strada senza fà nice
I so passi di menu male
Mai nimu ferà da sè
S’ellu pensa chì nunda vale

Credici tù ci crede ellu
A l’amore quand’ellu c’hè
Quessu hè l’avvene u più bellu
Per ellu, per tutti è per tè

G. Fusina / F. Santucci / Cirnese