1

U Carnettu “Ritruvatu”

Una sera di nuvembre
Quandu u mare eu fighjava
Aghju vistu un omu grande
U so carnettu circava
Un avia più memoria
Mancu di a so storia

Dopu una bella manghjata
Avemu fattu cuniscenza
Una buttiglia viutata
E addiu a cuscenza
S’era lampatu in mare
Era scemu me pare

Quandu li parlò di mè
M’ascultava cù passione
E mi dumandava sè
Avia tutt’a sò ragione
Lampassi in mare pè un carnettu
Ghjè ciò ch’ellu m’hà dettu

Una volta ritruvatu
Ellu si sentia male
U carnettu era bagnatu
Ind’a stacca ghjè nurmale !
Bravu tippu mà baullu
Addiu amicu è salute !