U Cantu Di I Pantani

So pianure distese
Di fangosu pantanu
Duve mai s’intese
L’acellu di veranu

Terre di l’addisperu
Sottu à lu celu neru
Zappà, Zappà!

Com’è morsu di tenaglie
In lu trimendu disertu
So di ferru le muraglie
Di sta gabbia à celu apertu!

Terre di l’addisperu
Sottu à lu celu neru
Zappà, Zappà!

Sangue, brioni e fracassu
Longu à la notte e lu dì
Di lu suldatu lu passu
A chi scappa ferma qui!

Terre di l’addisperu
Sottu à lu celu neru
Zappà, Zappà!

Hà da vene quellu ghjornu
Di la sacra libertà
E l’ora di lu ritornu
Chi l’acellu hà da cantà!

Terre di l’addisperu
Sottu à lu celu neru
Zappà, Zappà!

Terra di lu rifiatu
À stu mondu rinatu
Amà, Amà !