LYRIC / PARODDI / PARULLE / CANTI

Altu era di statura
Nasu d’acula in a figura
Incù a barba patriarcali
Era un pueta ‘ll’Arcinivali.

Cinta rossa è cappiddonu
Sempri adossu di bon tonu,
E l’abittu viddutinu
Avviò u so distinu

Mai la pippa for di bocca,
Zia Lucia filendu a rocca,
Faciani un coppiu stimatu
Da Cagna à Partusatu

Sutt’a l’obussi si truvaia,
Eddu scrivia à chì l’amaia,
Monda volti à la suredda
Li mandaia la so littaredda.

In i so versi in puisia,
Mancu un’ uncia d’arasia,
Da cori è anima beddi schietti,
Surtiani sempri i strufetti.

In ogni gioia o circustanza,
Impruvisaia ‘lla so stanza,
Infialsaia li paroli,
Incù brama è incù calori.

Cantaia li so pasciala
Chera, Sotta è li Pughjala,
Ni rima d’ogni paesu
Ni facia lu conturesu.

A ghjisgiola di Santa Lucia
Accodd’à tutti ùn li pudia
Ma la piazza parucchiali
Feci unori à lu cirimuniali.

Pensu sempri à lu Barbutu,
Ci daghjia tant’ aiutu,
Salutu la so discindenza,
Ch’ancu edda si ni trova senza


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.