1

Tù sè

Tù sè u me spechju spartatoghju sognu
A notte, ghjornu di cio chi face brama
A piena chi hè falata da un bisognu
Quandu dissi avà so saziu basta o Mà

Tù sè a cagione di u me distinu
Accunsitiu o Bà ai a ragione
Di francammi da u stintu sbarrazzinu
Ch’e ùn fessi à carnavà contru stagione

Tù sè maraviglia d’un pagliaghju
Duve e spiche di fenu coprenu e chjiriche
D’un zitellu di locu innacquatoghju
Chi accumpagna Barba Bianca in li vichi

Dopu, stracquatu sottu à un pullone
Un ci hè paradisu è sughjornu più bellu
Tù sè currendu, monti, muchju è machjone
A me ricchezza di liberta a disse quellu

Tù sè l’isula, à quandu mi dici d’andà
Tù sè l’isula, à quandu mi dici di stà

Puesia d’Iviu Battini
Mùsica di Francu Silana