Tù Babbu in 18

Aviu cinqui anni
Un sapiu parchi
Pienghjia zia ghjustina
Incù ziu francè

E mamma m’ha dittu
Parchi voli sapè
Si ghjà troppu afflitu
Se capiscu bè

Saparè più tardi
Parchi ziu francè
Iincù zia ghjustina
Dicia seti tre

Tù babbu in 18,
fratellu in 43
E oghji fiddolu,
oghji tocca a tè…

In faccia à u caminu
Pienghjia ziu francè
E zia ghjustina
Dicia o ghjasè
Parchi u scumpientu
Un s’hè presu a mè
Chi dà issu mumentu
Hè persu ogni bè
Se oghji in ramentu
Un hè incù piacè
He solu chi sentu
Issi paroddi in mè…

Tù babbu in 18,
Fratellu in 43
E oghji fiddolu,
Oghji tocca a tè…

E tù paisolu
Quandu u mali c’è
Porti u tò dolu
L’addisperu in tè
Cume issi ziteddi
Ch’anu cume mè
Vistu vichjuleddi
Pienghja à un più pudè
Ma nò zia ghjustina
Avemu par tè
In cori una spina
Ch’un si sà parchi….

Tù babbu in 18, fratellu in 43
E oghji fiddolu, oghji tocca a tè…
Tù babbu in 18, fratellu in 43
E oghji fiddolu, oghji induva sè…