1

Trà more è campà

In mente oghje mi vene un surrisu di tè
Da nantu à quella scena di piazza Tien an Mè

Rivuluzione movi mancu si po piu di
A cerchi è ùn la trovi a mezu à li cheppi

E tù chi ti ne ridi di tanchi da fermà
Tamanti li to sfidi d’oriente quallà
D’oriente quallà

E tù sai, sai more, sai more e sai campà
E tù sai, sai more, pè un palmu di libertà
E tù sai, sai more, sai more e sai campà
E tù sai, sai more, pè un palmu di libertà

Po t’aghju vistu corre
Davanti à i sullati
Un populu in bullore
Di ghjente rivultati

E ancu marchjà pianu
In centu mila è piu
Carrughju fattu umanu
Da tanta giuventù

Sempre n’ere cuntentu
Di longu à li stradò
Quale essu fussi lu ventu
Quale essu fussi lu prò
Quale essu fussi lu prò

E tù sai, sai more, sai more e sai campà
E tù sai, sai more, pè un palmu di libertà
E tù sai, sai more, sai more e sai campà
E tù sai, sai more, pè un palmu di libertà…