Tempu

A vita lega à corda lena
Vanu le stonde par vultà
L’ora si chjama libertà
More la gioia eccu la pena
U tempu corre à corda lena

U tempu corre à brilla sciolta
Porta l’amichi è lu piacè
Si ne vanu luntan’da tè
Quelli d’oghje è quel’d’una volta
A vita fila à brilla sciolta

A vita fila à quella volta
E’tuttu strappa à longu andà
Forse si chjama eternità
L’ultima stonda chì rivolta
U tempu lega à quella volta.

Ghjuvan Ghjaseppiu Franchi \ Jean-Claude Acquaviva \ Bruno Coulais
A Filetta