Tarra natali, patria attuali

I to idei corrinu sempri pa issu celu,
Ma fighjola muti sò l’anni chi vanu !
E issu mari a l’orizonti oscuratu,
Un hè tempu cumpagnu marinaru !

Pà lu sognu di la tarra natali,
Pà lu fiori di l’immurtale paci,
Pà lu soffiu di la patria attuali !

I to veni battinu sempri d’ardori,
Pà u sensu d’una strada chi s’apri !
E issa fedi a i cunfina mistiriosi,
Pà l’aBissu di i gluriosi viaghji !

Pà lu muscu di la tarra natali,
Pà l’eternu di l’immurtale paci,
Pà l’innu di la patria attuali !

Una vela di biancu è di neru,
Testimonu di u tempu chi fù !
A u tempu d’ochji chi ti sfida,
Com’e u segnu dopu a prighera !

Pà l’alma di la tarra natali,
Pà la prova di l’immurtale paci,
Pà la vita di la patria attuali !

Voltarani hè sicuru dumani,
I gran’venti sinceri di libertà !
Andarani pa l’immensita,
Sti batteddi missaghjeri d’eternita !

Pà l’amori di la tarra natali,      Bis
Pà lu raghju di l’immurtale paci,
Pà l’avveni di la patria attuali !
Natali, Attuali …      Ter

Bruno Susini
Surghjenti