1

Suarina

Sarà suttu à qualchì suara
Quidda ghjandi ch’hè cascata
Quandu affaccò a vintata
Suttu à qualchì suara

Sarà suttu à qualchì suara
Quiddu fruttu, arrubbatu
da a ghjandaghja purtatu
Duali hè chì u ritruvarà

Sarà suttu à qualchì liccia
Quidda ghjandi suarina
Sparita quidda matina
A tinta t’hà pocu diccia

Sarà suttu à qualchì dastru
Da nimu ammaistratu
Iè da nimu insitatu
Nemancu da quiddu latru

Sarà sempri in qualchì docu
Com’un tisoru ch’hè piattu
È cusì mondi invidiatu
Bastaria à truvà u locu

Sarà suttu à qualchì suara
Quidda nazioni cascata
Da u frusteri spavintata
Suttu à qualchì suara, sarà

Indu’ sarà quidda suara
Chì incù u focu ùn piccia
À l’aienti voddu cunvincia
Chì a ghjandi dinò
Chì a ghjandi dinò darà
Chì a ghjandi dinò darà
Chì a ghjandi dinò darà…

Svegliu d’Isula