1

Solu

Solu in a to prighjone
T’hanu strintu le catene
Tale una bestia feroce
Volenu fà tace… la to voce…

Solu in a to prighjone
Avemu intesu e to pene
In una ferita addulurata
Versu à noi, tandu… s’hè pisata…

Fratellu, ùn sè più solu
Semu tanti darettu à tè
Arritti, tutti sotta stessa bandera
Stampata di… testa mora…

Solu in a to prighjone
Tù chì scrivi l’avvene
D’un populu marturiatu
Ma ch’ùn s’hè mai… inchinatu…

Solu per to luntananza
Sole vale a to fierezza
Mughjendu a to differenza
In ogni core nasce… la sperenza…

 

Antone Crescenzi \ Mighele Tomei
Vaghjime