1

S’o era la voce

S’o era un battellu chì mi ne vulia andà
A’sulcà i mari tanti u mondu ne hà
Francà strittoni è canali
Spechjammi à sole è fanali
E’andà navigà senza mai rifiatà

S’o era un acellu chì mi ne vulia vudà
A’frisgià i celi tanti u mondu ne hà
Girà e sette chjappelle
Carizzà d’ale e stelle
E’vulà stantarà senza mai rifiatà

S’o era a voce chì vulia ribumbà
In ogni pese è pè tutte e cità
Fà sapè ancu à u ventu
Ch’ellu hè finitu u pientu
E’cantà libertà senza mai rifiatà

S’o era a voce

G.T. Rocchi \ F. Travaglini