Se Guardendu à L’Insu

Se guardendu à l’insu
In lu celu supranu
Un’la senti po tu
Quantu u core si lagna ;
S’ammudulisce u ventu
Per lasciami parlà
E cio ch’aghju da li
Un hè micca « o la la »
Un hè micca « o hi me »,
Ch’ùn vogliu traparlà.

Ma un saresti tu
Di l’oru di l’attracciu
Uscita, o da l’insu,
O dalu zampinaghju
Chì à l’utornu ghje
Culore di maraviglia ;
Un s’aresti po tù
Principezza, regina,
A la mio ghjuventù
Quella chì s’assumiglia.

Dicci mi teni tù,
Mi teni da fratellu,
Ma cio ch’eo manghju qui
So buconni o fritelle ?
Sarratu che ne so
In la cella suprana
A l’usu chì si sà
Un hè micca cristianu
Che tu mi preghi tu
I castighi, l’affani.

Mischiendu li culori
Di l’orcu in lu completu
Quellu chì ghje pittore
E quantunque pueta
E chì campa à l’insu
In altu pregatoriu
Un s’interessa più
A i nostri capatoghji