1

Scrivu A Tè

Scrivu a tè fratellu di cantu
I mio rimi a l’addisperu
Quandi l’ochji sò infiarati
Da u morsu furesteru
Oghje lampatu a malavia
In fondu di una prighjone … luntanu.

Scrivu a tè cumpagnu di sempre
A me chjama addulurata
D’un verati più incu noi
Anima una serata
D’una voce meravigliosa
Ch’incantava lu mondu sanu … luntanu.

Scrivu a tè ch’hè venuta l’ora
L’ora di u to ritornu
Voltaci caru Natale
O Beatu quellu ghjornu
Quande tu t’avvicinerai
Liberu di u to destinu … vicinu.

Canteremu inseme vultati a l’avvene
Per una terra ch’un vole more
E scriveremu e nostre ore.