Sarpà

Piscadori piscadori
Chì ora sarà
Sarà ora avà
Piscadori batti fora
Induva sarà
Stu fondu è calà
A sera di puppa à mullà
Una scumissa à lampà
È issa reta chì darà ?

Sarpà…in a lenza di sali
Sarpà…in l’ortu di curalli
Sarpà u to stantu cacciarà
Issu pocu è tantu da fatti campà

Piscadori piscadori
Chì alba sarà
È chì tempu avà
Piscadori in lu to cori
Ci hè tantu à sarpà
Da sti tempi fà
A mani di pruva à tirà
U ricordu girarà
A to reta chì cuntarà ?

Sarpà…tant’anni mischini
Sarpà…u to mondu turchinu
Sarpà tuttu ciò ch’è tù sà
Issu pocu è tantu di lu to campà

Paroles : Alain di Meglio
Musique : Jean Pierre Marcellesi