1

Ruloghju di a vita

Solu ind’è moi urticellu
Appudiatu à la moi zappa, guardendu
Passa un acellu
Pensu à u tempu chi scapa

E corsa la zitiddina
Come l’acqua à la funtana
Fresca pura e cristalinna
Ma dighja cusi luntana

So sfilati li vint’anni
Lasciendu i so ramenti
Tempi di gioia e d’affani
Tempi di canti e di pienti

E sunatu lu mezziornu
À u ruloghju di à vita
E sfiere e anu fatu torna
Di à ghjuventu finita

Dopu venera a sera
Cu e so stonde dolente
Come u lume di lumera
Trema à u primu curente

E po cascara a notte
Come un mantelu d’aciaghju
Cusi ci appronta la sorte
À fa l’ultimu viaghju

Un abbia furia ô Falcina
Di vule fa a cugliera
Che la to falce mischina
Un voglia pienta la sfiera

Lascia sempre batte l’ore
Un mi parla piu di danni
Certi ghjorni aghju lu core
D’un zitellu di vinti’anni