Rivolta Paisana

In li seculi passati
Tempu di focu è di guerra
S’eranu tutti uniti
Cù fucili è carchera
In pettu à lu furesteru
Ch’invadisce la terra.

U nemicu zillicava
I povari paisani
Ma u sangue di rivolta
Discitava ogni mani
U populu s’appruntava
A scaccia li furdani.

A chjama di u culombu
Ribumbava pè a sera
L’omi pronti à difendi
A populazione intera
In un aiuta cumuna
Sott’a la santa bandera.

U genuvese feroce
Cullava pè a lisciola
Pè ghjunghje a l’aghja foce
Di a pieve muntagnola
Induve sera piattata
A riscossa machjaghjola.

Di a battaglia murtale
Oghje ci ferma memoria
Sott’a la mossa nustrale
Purtata à la vittoria
U strangeru fù lampata
For’di locu incù gloria.

U paese fù salvatu
E qui viaghjà la storia.