Riveneraghju

U sole imbellisce le so muntagne
U mare, i scogli è le sponde
È sentu sta voce tremenda è luntana
Chì pichja è chì dopu ribomba

Fiore culore di maghju
Ventu chì vultula le fronde
Soffiu chì chjama à l’avvene
Lume di lu so campà

Eppò riveneraghju
In stu paese di storia
Quandu rinasce la memoria
Per la forza di la so ghjuventù

U fiume corre per sti stragoni
Lampendu a so voce brionu
Fiumare in le cotule purtendu la piena
Sfacellu macinendu a fulena

Acque culore d’inguernu
Saetta chì brusgia li monti
Onde scatenate d’infernu
Bughju chì rumena li fondi

Eppò riveneraghju
In stu paese di storia
Quandu rinasce la memoria
Per la forza di la so ghjuventù

Di la so ghjuventù