Ritrattu

O quantu hè bella è alta la to fronte
Pare la neve chì stà sù l’altu monte
Hè di zuccaru è di mele è di latte puru fonte

O li to ochji sò duie perle lucenti
Quandu è tù guardi ferisci à tutti quanti
Ferisci vechji è zitelli i ricchi è i puvarelli

O la to bocca chì di zuccaru hè piena
Quandu la vecu mi si scioglie ogni vena
Per un basgiu sulamente feria un annu di catena

I to capelli tirati à fili d’oru
Quandu li vecu cara mi ne innamoru
Per tuccalli sulamente feria un annu in purgatoriu

O le to mani sò duie mani fatate
Un sanu tene chè penne dilicate
E’poi quand’è tu scrivi pari un anghjulu chi ride

O tuttu l’oru quellu di da turchia
Cun tuttu quellu di a culunneria
Un abbasta pè pagalla cara a to simpatia

Tutta a to simpatia

S. Travaglini