Resistenza

Face più di quarant’anni
Chè tu porti negri panni
Strascinend’u to dulore
Chi ti svegli à tutte l’ore
U to maritu hè cascatu
Bon figliolu bon suldatu
Per ’ssa Francia assassina
Chi sumena chè ruvina.

Resistenza di pett’à l’oppressore
Resistenza per a vita per l’onore.

Ora tocc’à mè a sai
Di cunnosce mille guai
È in pettu portu dolu
Di più d’un bon figliolu
Ma u fiume di a rivolta
Cresce è mi porta
Cun fede patriotta
Sin’à l’ultima lotta.

Resistenza di pett’à l’oppressore
Resistenza per a vita per l’onore.

Fratell’incarcerati
Da noi alluntanati
Mà più d’un bracciu fieru
Svizzerà lu strangeru
Ghjuventù sparghji l’ale
Di a lotta Naziunale
Ricusa tuttu u male
Di Francia culuniale.

Resistenza di pett’à l’oppressore
Resistenza per a vita per l’onore.

Lingu’assuffucata
È cultura spugliata
Paesi spupulati
Paisan’affannati
Eccu lu veranu
Ch’elli oghji ci danu
Demuci a manu
Suminem’u nostru granu.

Resistenza di pett’à l’oppressore
Resistenza per a vita per l’onore.

Resistenza di pett’à l’oppressore
Resistenza per u Fronte per l’onore.