1

Ponte Nostru

In stu locu fasciatu di dolu
Ci corr’un furiosu fiume Golu
Chì strascina in lu so andà
U ricordu d’una gattiva stonda

Tutti li suldati di a nazione
Ricusendu a sottumissione
Facenu faccia à l’armata francese
Per salvà u nostru paese

Di pettu à lu dulore è à la morte
Sperendu scunghjurà la sorte
Sò cascati per l’indipendenza
Senza perde fede ne sperenza

In l’acqua fangosa insanguinata
Hè sparita a vittoria, a sunniata
Ma sventuleghja sempre a bandera
Cum’un’eterna ragiò di sperà

Ma sventuleghja sempre a bandera
Cum’un’eterna ragiò di sperà