Pè fà la campà

Inventà mi una storia
Duve più d’una vittoria
Mi face megliu andà
Mi face gode è po sperà

Dì mi la torna sta sera
È ch’ella pò esse vera
A meia sola a verità
Ne vogliu fà umanità

Ùn ci ne pò esse guerre
Sò toie è meie isse terre
È cusì ùn pò più durà
S’o mi pudessi cunfidà

Dì mi s’è no simu pronti à dà
Dì mi s’è no simu pronti avà
Pè fà la campà… Pè fà la campà… pè fà la campà…

Inventà mi una storia
Chì pò stà in la memoria
È pè noi altri lu vighjà
U celu chjaru da truvà

È porta la to bandera
In giru à la terra interra
È a so pace ti darà
U ventu forse hà da girà

Ci ne feremu una festa
Chì più nimu s’intesta
È i cori s’anu da pisà
Pè issu noi ancu à fà

Dì mi ch’è no simu pronti à dà
Dì mi ch’è no simu pronti avà
Pè fà la campà… pè fà la campà… pè fà la campà…
Dì mi ch’è no simu pronti à dà