Pardonu è pietà

Sentu un cantu fora
Sarà ghjunta a me ora
Mi cummovi issu sonu
Chì cheri u me pardonu

Strascingu a me pena
Cù issa greva catena
Viaghju è pargu sciancu
Ma u curaghju ùn manca

Eiu dumandu un pardonu è a pietà
Piattendu à la ghjenti a me infideltà
Eiu dumandu un pardonu è a pietà
Cunfessu à u signori a me indignità

Ni sentu, cascu in tarra
Ma la fedi ùn si para
Simonu m’hà da aiutà
A cruci hà da purtà

Vecu la ghjenti in piazza
Incun iddi piddu a forza
Nimu a pò firmà
Fin’à Diu devi andà
Socu quì pà dumandà
Pardonu è piètà

Eiu dumandu un pardonu è a pietà
Piattendu à la ghjenti a me infideltà
Eiu dumandu un pardonu è a pietà
Cunfessu à u signori a me indignità

Svegliu d’Isula