Pà Cesare

U mè fiddolu, Veni cu mè
A spassighjà In li to lochi,
Ti purtaraghju à mirà
Pà issi chjassi di bidezza
Suara, Mola é Lezza,
È tanti loca da curà
Com’è a più alta richezza.

Sarà da tè issu tisoru
Da Sartè à Campumoru

Quì ùn asisti cunfina
Ugni sguardu hè cuccagna,
Quandu u Liò di Ruccapina
Accenna l’Omu di Cagna,
È chì l’onda smiraldina
Veni à basgià san ghjuvanni
Di Saparale la muntagna.

Sarà da tè issu tisoru
Da Sartè à Campumoru

Seculi passati, é stantari
Dà Cauria, à Paddaghju
Ci truvarè un camminu
È i chjavi di u distinu,
Dumanda ad Austinu
Di schjarì à l’infinita
U celi di la to vita.

Sarà da tè issu tisoru
Da Sartè à Campumoru.

Paroles : Christophe Mondoloni – GF Terrazzoni
Musique : Christophe Mondoloni