Ogni palmu di sta terra

Ces deux chants résonnent comme un hommage à ceux qui sont tombés pour leur terre.
Que leur souvenir invite chacun à porter leurs espoirs.

S’hè distessa ind’è l’aria un affanatu di morte
È sò fatti di marmaru i visi sottu à lu sole
Sò d’abbissu i silenzii è in pulvina e fole
U mondu incredilitu sbattutu hà e so porte

Caminerà ab eternu’ssu stolu senza fine
Cù a to sipultura sdresgiendu ogni bagliore
È chì facia ruvidu u trimendu dulore
Chì rode u campà à’sse ore visparine

È stu sole di nuvembre annantu à la to bara
Sarà ora ascuratu è ora maestosu
Ma turnerà dinù di’ssa terra u sposu
Cun ellu vulterà a to mimoria cara

Di tè mi firmerà più chè un visu culpitu
Più chè un dolu pisiu colmu di mille pene
Mi firmerà u vede di’ssu spaziu infinitu
Chì lu to passu scrisse à stampi per l’avvene

Mi firmeranu è voci chì à l’altare s’alzonu
Per invade sti celi cun parolle di cera
È chì correnu in mente tale un furiose tonu
Chì va è nè scumponea matina è a sera

È quandu in tempi à vene invechjerà u ricordu
Ogni palmu di sta terra si purterà à l’iglia
Un sognu fattu veru chì in un intimu accordu
Di tè si n’averà qualchì fidà sumiglia.

M. Acquaviva
Canta u populu corsu