1

O Luna

O Luna luntana
Dulcezza à fighjà
Culomba di luce infinita
Vistuta à mantellu di latte
Acellu ch’invita à viaghjà

O Luna luntana
Fiore à imaginà
Di la notte a margherita
Vistuta di curona d’alba
Regina di l’immensità.

Canta ci l’arcana nanna
O Luna canta ci a vita
Quandi a notte si spanna
Volta ci O Luna
Porta ci Amore.

O Luna luntana
Si chiama à sunnià
Lanterna di u ghjornu sbandita
Vistuta d’un velu di pace
A chjave d’un core à truvà.

Canta ci l’arcana nanna
O Luna canta ci a vita
Ouandi a notte si spanna
Volta ci O Luna
Porta ci Amore.