Nunda

Nunda ! ùn si passa nunda,
Femu a festa à Santu Nunda !

Pesciu, carne è frittelle,
Frutta, vinu è zitelle,
Musica è muvimentu,
Ch’ellu soffii ogni ventu.
È cantemu in l’onore
Di lu sgiò Guvernadore.

Nunda ! ùn si passa nunda,
Femu a festa à Santu Nunda !

A sposa si n’hè scappata,
A chjappu per a falata
U prete li corre appressu
È ottene un bon’successu.
U maritu hè curnutu,
È ferma cum’è imbutu.

Nunda ! ùn si passa nunda,
Femu a festa à Santu Nunda !

Ballemu la trebisonda
Sopr’à a terra è sopr’à l’onda
Femu focu à Santa Barba
È manghjemu a torta d’erba
I culi ùn ponu frustà
Cusì la donna pò pusà !

Nunda ! ùn si passa nunda,
Femu a festa à Santu Nunda !

Tavagna / Malcolm Bothwell