Novi Di Maghju

Novi di maghju, ghjurnata scura
In u turmentu, è a bughjura
Eroi corsi, arditi è fieri
Di u gran’Pasquali, i so guerrieri.

Da l’alta serra à u pianu
Si muviva a cuscenza
U cornu di a rivolta
Sunava nova spirenza.

Pòpulu corsu, addisperatu
Da u Signori, abbandunatu
I patriotti, funi incappiati
Nant’à u ponti, assassinati.

U frusteru sceleratu
Sfracicendu a tarr’offesa
Marturiendu i più vechji
Senza nisuna difesa.

Lacrim’è pienti, sangui sbarzatu
Ghjenti culpiti, à l’ùltimu fiatu
Forza putenti à la cunquista
Cù l’intenzioni culunialista.

Mani cechi in viulenza
Paisoli insanguinati
Omi mandati in partenza
Donni è ziteddi appiccati.

Ò chì l’invernu ti dessi a forza
À annacquà, a terra corsa
D’un sangui anticu, di a raghjoni
Par ch’edda campi, a to’nazioni.