Nant’a u solcu

Oghje stu cantu vene è ti piglia
Per discità la to passione
Chi simu tanti, in sta famiglia
A vulè fà sempre l’unione
A mi dice u ghjornu chi nasce
Nant’a u solcu di a nazione
Di a nazione.

Ti vene d’eri sta libertà
Di lotta mai finita
Paesi è machje, per andà
Ver di a muntagne culurita
E’a dice u to pugnu strintu
A’e brame di a nostra vita
Di a nostra vita.

Un c’hè timore nè debulezza
Per quellu chi piglia sta strada
Chi un ghjornu strappa a so cavezza
Ti senti d’ardore infrebbatu
Quandu dice u to batticore
Hè quella fede un sò cambiatu
Un sò cambiatu.

Eiu è tu, elli è pò tanti
Impasteremu per dumane
I to sogni sempre tamanti
Tuttu hè da fà da e nostre mane
A mi dice u ghjornu chi nasce
Nant’a u solcu di a nazione
Di a nazione

Giramondu.