1

Musica

A musica hè in noi tutti
Hè un arburu à mille frutti
Hè di spartera è di passione
Di pace è di revoluzione

A musica hè sempre à fiancu
Hè d’albe è di notte in biancu
Hè un chjassu à spessu incertu
Un viaghju à core apertu

MI dai quantu ti DO
Da FA MI diventà RE
È SOL’accantu à tè
Un omu liberu sò !

A musica hè una furtuna
Trà l’alme intreccia a so funa
Si pò veste di malincunia
D’amore schiettu è d’allegria

A musica hè universale
Una richezza immateriale
Pò esse antica o muderna
In u tempu fermerà eterna…


MI dai quantu ti DO
Da FA MI diventà RE
È SOL’accantu à tè
Un omu liberu sò !


MI dai quantu ti DO
Da FA MI diventà RE
È SOL’accantu à tè
Un omu liberu sò !

Un omu liberu sò !

G.F. Terrazzoni
F. Santucci