More à vint’anni

Vint’anni ùn anu chè vint’anni
È si ne vanu à more
Cum’è nimu ùn la sà

Vint’anni ùn anu chè vint’anni
Ma li so corte l’ore
À vulelle spiccà

Mai vuleriamu sente
Ch’un figliolu nucente
S’hè persu à ma più
Persu ghjuntu à l’albore chetu
Per avè solu betu
Un bichjeru di più

A vogliu piantà
In fondu di i cori i più bughji
A rabbia di cantà ch’ell’ùn si strughji
A nostra giuventù.

Giuventù chi bolle
À l’idea di corre per istrada
Senza cuntacci ch’ad ogni girata
A morte ci hè dinù.

Zitellu ùn fà cum’è’su sole
Chi appena pisatu s’empie d’oscurità

Zitellu guarda li to vint’anni
Sò u fiore chi sbuccia è si vole ingrendà

Guarda intornu à tè
Quantu chi ne sò morti à l’età toia
Da mandalla in pezzi quella gioia
Chi face chè tù si
Guarda intornu à té
I to vint’anni falli sempre ride
Di grazia ùn ti ne cuntà bugie
A vita ùn la tradi.

More more more
À vint’anni
Eu dicu’nò !

Eric Mattei