Minicola

Mi ne vogliu fallà in piaghja
Ind’hè la mio Minicola
Chì sè voi la viderete
Hè cusì bella figliola
Dicenu ch’ell’hè chjucuccia
Ma di le chjuche hè la moda

Primura ùn n’aghju manc’una
Di tutte l’altre zitelle
Chì di li più belli fiori
In paese ùn ci hè chè ella
Inturbidisce lu sole
È si spenghjenu le stelle

Soca ùn seraghju lu solu
À vulè li dà l’annellu
Mà si l’oghji ùn sò bugiardi
Sò sicuru d’esse quellu
L’aghju capita st’aprile
Da sottu à lu so purtellu

Dapoi ch’ell’hè partuta
Sentu strappà lu mio core
S’eò l’avessi più dà vede
Ùn mi resta più chè à more
Però mi ne falgu in piaghja
À ritruvà lu so amore.

Tradiziunale
Anghjula Potentini