Mercanti di morte

Per togliatti li to guai
È scambià di vit’appena
Per l’angoscia chè tu hai
L’addisperu chì ti mena

Un ghjornu hai pruvatu…

T’anu dettu camperai
Infine stonde nuvelle
Maraviglie vederai
nant’i nulli, mezz’e stelle

Un ghjornu ci si cascatu…

Fà fronte ô ghjuventu
Rispinghje stu velenu
A chi sparghje spaventu
Ùn camperà serenu
Fà fronte ô ghjuventu
Per fiurì la to sorte
Cumbatte cume centu
I mercanti di morte

Hai pruvatu una volta
Di fughje lu nostru mondu
D’avvicinà lu benista
U malconciu’era prufondu

Un ghjornu ti si dannatu…

Pianu pianu inferratu
È ricercandu l’èdenu
E à la punta di l’agu
Hai truvatu l’infernu

A droga t’ha’ ingabiatu…

Fà fronte ô ghjuventu
Rispinghje stu velenu
A chi sparghje spaventu
Ùn camperà serenu
Fà fronte ô ghjuventu
Per fiurì la to sorte
Cumbatte cume centu
I mercanti di morte