Mediterraniu

A me menti hè una tarra
Un caminu indè la sarra,
Un viaghju, un locu santu
Hè un ghjornu fiaricantu,
Nant’à i steddi di me sogni. Bis

Una manu chi viaghja
D’una chitara à una ala,
Canti è fole sumineghja
Una mane cum’è una apa,
Trà i veli di u ventu. Bis

Aghju un paesi in menti,
Spuma d’isula
Aghju un paesi in menti,
Sumenti d’acqua
Mediterraniu, Mediterraniu
U me paesi da fà … Mediterraniu.

U ventu porta i sumenti
D’isuli sogni in menti,
Cù lu cantu chi si movi
Circhendu versi novi,
A una puesia antica. Bis

Hà da spuntà torna u soli
Nant’à i fraschi di i foli,
Nant’à a to gola, u to fronti
Si ne parlarà dumani,
Da u levanti à u punenti. Bis

Aghju un paesi in menti,
Spuma d’isula
Aghju un paesi in menti,
Sumenti d’acqua
Mediterraniu, Mediterraniu
U me paesi da fà Mediterraniu.

U me paesi da fà …
Mediterraniu …