Machje

A nostra machja l’arricava spaventu
L’anu brusgiata.

Ma machja n’avemu un antra
Di seculi, di storia
Di sepali, di gesti
D’arburoni, di fole
Di grotte, di canti
Di poste, di parulle.

Machja n’avemu un antra
Ghjè a nostra cultura viva
Ghjè a nostra lingua viva
Viva di u nostru vulè.

A chi ci zinga focu
Ci si brusgia
A chi c’entre d’amore
Ci diventa machjaghjolu
Cù noi.

Ghjuvanteramu Rocchi
A Filetta