L’Odissea
Eranu compii i sulleoni
E s’annuzziava la partenza
I pampasgioli è li grisgioni
U core colmu di sperenza
Li fecenu quella prumessa
D’una vita for’di primura
Paria d’esse una messa
Tantu la fede n’era pura
L’odissea di la mio ghjente
Era un ingannu di e sirene
E strade di u cuntinente
Eranu fatte di catene
Luntane à le verde campagne
Long’à le vie inquadramate
L’adore di le so muntagne
Venia carcu à sunniate
Ad ogni ghjornu un straziu novu
Una ferita è un’assenza
Fù diventatu u passu soiu
U campà n’a malbundanza
L’odissea di la mio ghjente
Era un ingannu di e sirene
E strade di u cuntinente
Eranu fatte di catene
Sia di fiaschi o di vittorie
A cuntaranu sta passata
Luntanu ad oghje sò le glorie
Li ferma in core la vultata
L’odissea di la mio ghjente
Era un ingannu di e sirene
E strade di u cuntinente
Eranu fatte di catene
L’odissea di la mio ghiente
Hè una fola da ritene
E strade di u cuntinente
Correnu sempre in le mio vene,
Correnu sempre in le mio vene, L’odissea,
Correnu sempre in le mio vene, L’odissea,
Correnu sempre in le mio vene, L’odissea.