Lingua Viva

O si tù fussi la me tarra
Eiu saria insulcadore
E Sarii a me tribbiera
A me vita u me splindore

O si tù fussi lu tempu
E saria un rinaghjolu
Da chi tù ti sgrani in mè
Ogni ghjornu è à tutt’ora

O si tù fussi lu ventu
Saria una navicella
Da chi tù mi porti à mè
A scopre la tarra intera

O si tu fussi lu mare
E saria un fiumicellu
E li ghjorni sani
Sfilarianu ver di tè

Tu sè la me lingua
Eiu ùn so cà di tà
Tu sè inserita in mè

O si tù fussi un paese
I me bracci le fruntiere
E faria ancu la guerra
Pà prutege sempre à tè

O si tù fussi una voce
E ribumbà da l’alti monti
E faria una canzona
Da cantatti lu m’amore

Tu sè la me lingua
Eiu ùn so cà di tà
Tu sè inserita in mè