Libert’amore

Da le cime inargentate
Lentu linde e mo pensate
In l’ansciu fretu, respiru chietu
E tandu, l’estru corre…

Trà i prati smeraldini
Cogliu i più dolci camini
Trà mille fiori è mille culori
A mo libert’amore…

Eccu a mo libertà
Strade è monti à sulchighjà
Lochi fatati di u mo sunnià
Storie è fole à inventà
O libertà.

Sott’un celu à di u chiaru
Hè diamante senza paru
À tinghje sponde è basgià l’onde
È tandu, l’estru corre.

Quandu si sà veste d’oru
U mo mondu hé un tesoru
Canta u ventu è mi ramentu
A mo libert’amore

Eccu a mo libertà
Strade è monti à sulchighjà
Lochi fatati di u mo sunnià
Storie è fole à inventà

Spassighjate in core di stagione
stonde amate à vive è à cumpone
O libertà, o libertà, o libertà
Sta libertà

(Quandu si sà veste d’oru
U mo mondu hé un tesoru
Canta u ventu è mi ramentu
A mo libert’amore)