Libari sò

Aghju ogni ghjornu sunniatu
Aghju ogni ghjornu bramatu
Pudè viaghjà par aria…senza parlà, senza parlà.

Ochji pisati à u celu
Troppu scuru era u velu
Pugni alzati incù forza…senza trimà, senza trimà.

Tanti prigheri muti, tanti arechji cionchi
Tanti sguardi cechi, nant’à visi fasciati
Ghjenti assuffugati, cundannati à spatanscià
Populu invinuchjatu, dignità devi ritruvà.

Dulori di l’orienti,
mi ni facciu a me suffrenza
Forsa l’omu s’accurarà…senza tumbà, senza tumbà.

Pà rispirà libartà
È pà mughjà virità
U velu si brusgiarà…senza pietà, senza pietà.

Tanti prigheri muti, tanti arechji cionchi
Tanti sguardi cechi, nant’à visi fasciati
Ghjenti assuffugati cundannati à spatanscià
Populu invinuchjatu, dignità devi ritruvà.

Svegliu d’Isula