Lassà

Om Mani Padme Hum
Om Mani Padme Hum

Zirlu di sole stantaratu
Duve e prighere à chjucchittà
Lentanu un cantu inariulatu
Chi l’omi chjamanu Lassà.

Duminiu mansu di l’alture
È cunfina di l’aldilà
Par tè sò poche le primure
Rise scarse è suffrenze assa.

Lassa, Lassà, Lassà
S’he impatrunita la paura
A sape s’ella cumpiera.
Lassa, Lassa…

Cità paese munacale
Duve le labbre à sussurà
Parlanu tutte for’di male
A lingua di u mandalà.

Tarra di pace è di lumera
T’anu vulsutu sradicà
È po lampà ti à spulera
Ma hè tistardu ancu Buddà.

Lassà, Lassà, Lassà
L’avemu in pettu’ssa mucura
Chi passa è vene à ribumbà.

Lassa, Lassa, Lassa
S’hè impatrunita la paura
Ma forse un ghjornu cambiarà.

Om Mani Padme Hum
Om Mani Padme Hum