Lasciami sperà

Sò di quelle vuciate
I ghjorni di tribbiera
È di quelle impruvisate
Quand’era tempu di fiera
​
Di la gioia zitellina
È li balli indiavulati
È u saltu di a spiscina
È li basgi arrubbati

Mi vene u dulore in pettu
Quandu s’affacca l’inguernu
Eiu ùn possu stammi chetu
Quandu t’aspettu in darnu
​
Soga lu monde mudernu
T’apre tanti orizonti
Ùn la manda à caternu
L’acqua di li sacrifonti
​
Veni è fatti un’arretta
Femuci una raggiunata
Chì a vita chì t’aspetta
Vogliu falla furtunata

Tandu piglierai e strade
Chì ti feranu ingrandà
Ma teni à mente e to radiche
È pò lasciami sperà
È pò lasciami sperà.
​
Henri Olmeta / Fabrice Andreani