Lascia Andà

Pè issu ghjornu chi nasce è sempre nascerà
Cum’ellu gira lu mondu è sempre girerà
Pensu à sti disgraziati, figlioli di quì
Chi ti ferma ò cara, dimmi ?

Pè issa notte chi falla è sempre fallerà
Cum’ellu gira lu sole è sempre girerà
Pensu à issu populu unitu, chi eramu quì
Chi ci ferma o cara, dimmi ?

Lascia andà x4

Pè issa stella chi luce è sempre lucerà
Cum’ellu soffia lu ventu è sempre suffierà
Pensu ch’ella hè troppa longa, issa guerra quì
A chi serve ò fratellu, dimmi ?

Pè issa luna chi spunta è sempre spunterà
Cum’ellu cresce un zitellu è sempre crescerà
Hè di u nostru duvere, a noi tutti quì
Di custruì a Corsica, dilli !!

Lascia andà x4

Pè issa luna chi spunta è sempre spunterà
Cum’ellu cresce un zitellu è sempre crescerà
Hè di u nostru duvere, a noi tutti quì
Di custrui a Corsica, dilli !!

Lascia andà x4

Paroles : Christophe Mondoloni
Musique : Jean Pierre Marcellesi