L’Anima Di L’Acqua

Nùn mi sintii tandu, chì eri fior’di branu
Da lumu chì sì movi, t’annacquavu li prati,
T’allisciavu purtantu, scogliu tenebrosu,
Tì rinfrescavu pullonu, à frondi spinzerati.

Avà ti sentu, a sai, ancu di li me ochji !

T’amavu è curriu ind’è funtani scherzosi,
Trà prugnulaghji ardenti à dolce pianu sbuccà
In piaghja di vaghjimu cì vole chè mi riposi,
Chì lu to’granu, oramai, hè ghjuntu a maturà.

A stu mari d’eternu t’addunisci, o cara !

Forsi socu stanca di tantu amori dattu

Mà mi lasci stracciatu è cecu di menta !

Omu nùn sà vede in’li nuli lu fiatu ;
Sempri pinsendu à tè è sempri sè ingratu.

A to notti, o meu, sarà di sogni nera,
Mà di piova è di soffiu ti saraghju aiutà,
È dumani, à l’alba, fors’in tè spunterà,
Un omu più cuscenti, è un omu di più.

E serenu, e serenu, à l’altri, purtarè li virtù.