Lamentu chi ti cerca

Tu si per me tutta la furtuna,
Sognu d’amore è argentu di luna,
Vicinu à tè mi sentu felice,
Non c’he penseru più bellu è più dolce,

U Signore chì sà tuttu senterà u miò lamentu chì ti cerca…chì ti cerca…
Degna à risponde à stu cantu, chì ti tengu, chì tengu, tantu cara, tantu cara…

Passanu l’ore è i mesi è l’anni,
Passa la vita senza portarmi,
Una ombra d’inchietà è di sperenza,
Per fà passà tutta sta suffrenza,

Ùn c’hè nulla chì mi piace, for’ di tè ùn aghju pace, cara meia…cara meia,
Degna à risponde à stu cantu, chì ti tengu, chì tengu, tantu cara, tantu cara…

Chì mi po fà ch’ùn si pesi u sole,
Se tu ùn senti le mio’ parole,
Se lo mio cantu hè senza risposta,
Ùn vo’ la morte pocu mi importa,

Fami sente la to’ voce senza appenucia riposu la miò ‘dea, la miò ‘dea,
Degna à risponde à stu cantu, chì ti tengu, chì tengu, tantu cara, tantu cara…

Tu si per me tutta la furtuna.