1

L’altu pratu

Quassù nantu à l’altu pratu
Trinca u son di un viulinu
Volta è gira a ronda zitellina.

A notte sottu à e stelle
A ghitara pè cuscinu
Accumpagni u cantu di e spiscine.

Pè e strade di u mondu
Canterinu hè u to versu
Chi a to voce movi l’universu.

Cumpagnu girandulone
Fradellu di e mo fame
Di canta tutt’ognunu hé in brama.

Si a spessu si infelice
Cercali bè i to pari
Hanu in core u là di a ghitara.

E si puru di cantà
Un cunnosci l’armuria
Fà una strinta d’occhju à a puesia.

Un ti scurdà d’issa mossa
Chi t’hà purtatu oghje qui
A tutti cantali puru cusi.
Quassù nantu l’altu pratu
Trinca u son di un viulinu
Volta è gira a ronda zitellina.

Dede Nobili \ Ghjuvan’Michele Armani
I  Chjami Aghjalesi.